Invitation Of Shweta Association Public Awareness Program

वधु वर मेळावा

स्थळ: नितू मांडके आय एम ए हाउस, टिळक रोड, पुणे.
दिनांक: १ डिसेंबर २०१९

Short Film By Shweta Association on the occasion of World Vitiligo Day 25th June 2019

  रंग मनाचे एप्रिल २०१९ - अंक २२

मागील अंक

रंग मनाचे प्रकाशन आणि वधुवर मेळावा

अनेक दिग्गज लोकांना पांढरे डाग होते म्हणून काही त्यांचे कर्तृत्व कमी नाही झाले, उदाहरणार्थ वि. स. खांडेकर, मायकेल जॅक्सन, कवी कालिदास इत्यादी. ह्या महान लोकांवरचं आपलं प्रेम आणि आपुलकी नाही कमी झाली, त्यामुळेच मी म्हणतो बाह्यरुपावर काहीही नसतं! हे उद्गार प्रसिद्ध निवेदक श्री. सुधीर गाडगीळ यांनी श्वेता असोसिएशन या पांढरे डाग असणाऱ्या व्यक्तींच्या स्वमदत गटाच्या पुणे येथे झालेल्या जाहीर सभेत काढले. त्यांनी या आधी देखील श्वेता साठी कायमच मदतीचा हात दिलाय, परंतु या सभेच्या निमित्तानी त्यांनी परत एकदा आपण श्वेता असोसिएशनच्या कामात शक्य तेवढी मदत नक्कीच करू हे आश्वासन दिले. भाषणाच्या शेवटी त्यांनी डॉ. माया तुळपुळे ह्यांची मुलाखत घेऊन त्या करत असलेल्या मौल्यवान कामाचा आढावा आणि त्यांच्या पुढील वाटचालीसाठी शुभेच्छा दिल्या. या वर्षीच्या 'रंग मनाचे' ह्या श्वेता असोसिएशनच्या वार्षिक मासिकाचे श्री. गाडगीळ ह्यांनी प्रकाशन केले. अनुरूप विवाह संस्थेच्या सौ. गौरी कानिटकर प्रमुख पाहुणे म्हणून उपस्थित होत्या. लक्ष्मी नारायणाचा जोडा या संकल्पनेवर त्यांनी जोरदार आक्षेप घेतला आणि यात फक्त दिसण्यावर भर दिला आहे असे प्रतिपादन केले. लग्न जुळण्याबरोबर ते टिकवून ठेवणे देखील महत्त्वाचे आहे, त्यासाठी मने जुळली पाहिजेत असे विचार व्यक्त केले. सुप्रसिद्ध लेखक श्याम मनोहर, डॉ. जयंत नवरंगे, आय एम ए अध्यक्ष डॉ. संजय पाटील, एल् सोम पुणे रनर्सचे राकेश मेहता यांचा सत्कार करण्यात आला.

मध्यंतरानंतर श्वेता असोसिएशनचा ३८वा वधुवर मेळावा संपन्न झाला. त्यासाठी सुमारे ५४ मुलामुलींचा सहभाग होता. मुंबई, नाशिक, सोलापूर, कोल्हापूर, खामगाव, औरंगाबाद, वाई इत्यादी ठिकाणाहून संपूर्ण महाराष्ट्रातून विवाहेच्छुक उपस्थित होते. सुमारे ५-६ लग्नं जुळण्याची शक्यता आहे.

कार्यक्रमाचे सूत्रसंचालन सौ. रंजना काळे ह्यांनी केले. वधुवर मेळाव्याचे संचालन उदय घायाळ यांनी केले. आभारप्रदर्शन श्री. चाफळकर यांनी करून सांगता केली.